Sumqayıtda sağlam həyat tərzini seçənlər üçün sevindirici yenilik var. Şəhərdə yeni qaçış klubu fəaliyyətə başlayıb. İndiyədək tək-tənha qaçan idmansevərlər artıq öz həmmaraqlıları ilə bir araya gələrək birlikdə qaça biləcəklər.
Sumqayit24.az xəbər verir ki, qaçışlar hazırda həftənin 2-ci, 4-cü və 6-cı günləri saat 20:30-da təşkil olunur. Klub üzvləri üçün bu görüşlər həm idman, həm motivasiya, həm də yeni tanışlıqlar deməkdir.
Qeyd edək ki, gələcək planlarda 6-cı gün qaçışın yerinə müxtəlif idman oyunlarının təşkili də nəzərdə tutulur. Proqramda edilən bütün yeniliklər və dəyişikliklər barədə məlumatlar "runclub.sumqayit" İnstagram səhifəsi və WhatsApp qrupu vasitəsilə iştirakçılara çatdırılacaq.
Sağlam həyat tərzi sürmək, enerjini paylaşmaq və Sumqayıtda aktiv icmanın bir parçası olmaq istəyən hər kəs kluba qoşula bilər.
