Sumqayıtda azyaşlını avtomobil vurub.
Hadisə səhər saatlarında 6-cı mikrorayonda yerləşən “Liman” klinikasının yaxınlığında qeydə alınıb. Yolu keçən 8 yaşlı qızı avtomobil vurub. Yaralı xəstəxanaya çatdırılıb.
TƏBİB-dən Sumqayit24.az-ın sorğusuna cavab olaraq fakt təsdiqlənib. Qurumun məlumatında deyilir:
“2016-cı il təvəllüdlü azyaşlı (qadın cinsli) 08.10.2024-cü il tarixində saat 11:50 radələrində Sumqayıt Tibb Mərkəzinin (STM) Uşaq Xəstəxanasının Təcili tibbi yardım şöbəsinə hospitalizasiya olunub. Sol baldır sümüklərinin orta 1/3 hissəsində açıq yerdəyişən sınıq diaqnozu qoyulan azyaşlının müalicəsi davam etdirilir, vəziyyəti orta ağırdır.”
Nəzrin Vahid
