Sumqayıtda uşaq bağçasının müdiri işdən çıxarılıb.
Sumqayit24.az xəbər verir ki, bu məlumatı Abşeron - Xızı Regional Təhsil İdarəsi yayıb.
63 nömrəli körpələr-evi uşaq bağçasının müdiri Nigar Rzayeva tutduğu vəzifədən azad edilib. N. Rzayeva ilə bağlanmış əmək müqaviləsinə Əmək Məcəlləsinin 70-ci maddəsinin "ç" bəndinə əsasən xitam verilib.
Qeyd edək ki, Əmək Məcəlləsinin 70-ci maddəsinin "ç" bəndi işçinin əmək funksiyalarını və ya müqavilə öhdəliklərini yerinə yetirməməsi səbəbindən əmək müqaviləsinə xitam verilməsini nəzərdə tutur. Bu bəndə əsasən, işəgötürən əmək müqaviləsini yalnız işçinin konkret pozuntularını sənədlərlə təsdiq edərək ləğv edə bilər.
Xatırladaq ki, 2022-ci ildə sözügedən məktəbəqədər təhsil müəssisəsində uşaqların payına düşən ərzaq məhsullarının satıldığı haqqında məlumat vermişdik.
