Bakı–Quba magistralında yaşayış binalarının fasadları əsaslı təmir olunacaq.
Sumqayit24.az dövlətsatınalmalarının vahid internet portalına istinadən xəbər verir ki, işlər avtomobil yolunun Sumqayıt şəhərinin giriş hissəsindən Yaşma yaşayış massivinədək və Ceyranbatan qəsəbəsinin son hissəsindən başlayaraq Sumqayıt şəhərinin girişinə qədər aparılacaq.
Sumqayıt Şəhər İcra Hakimiyyəti yanında Mənzil-Kommunal Təsərrüfatı İstehsalat Birliyi bununla bağlı hazırlıqlara başlayıb.
Məlumata görə, Sumqayıt şəhərinin giriş hissəsindən Yaşma yaşayış massivinədək yerləşən yaşayış binalarının fasadlarının əsaslı təmiri işlərini “SAFARİ” MMC həyata keçirəcək. Qurumla şirkət arasında 809.999,86 AZN dəyərində müqavilə bağlanılıb.
Qurum Bakı–Quba avtomobil yolunun Ceyranbatan qəsəbəsinin son hissəsindən başlayaraq Sumqayıt şəhərinin girişinə qədər olan ərazisində yerləşən yaşayış binalarının fasadlarının əsaslı təmiri işlərini isə "M-House Construction" MMC-yə həvalə edib. Bunun üçün qurum sözügedən şirkətə 99.997,73 AZN ödəyəcək.
