Yenilənib: saat 09:29
Sumqayıtda dəm qazından zəhərlənən ailənin son vəziyyəti məlum olub.
Tibbi Ərazi Bölmələrini İdarəetmə Birliyindən (TƏBİB) Sumqayit24.az-ın sorğusuna cavab olaraq bildirilib ki, 12.01.2025-ci il tarixində saat 21:50 radələrində Sumqayıt Tibb Mərkəzinin Təcili Tibbi Yardım Xəstəxanasına 3 nəfər (2 qadın, 1 kişi cinsli), Uşaq Xəstəxanasına isə 2 nəfər (1 qadın, 1 kişi cinsli) hospitalizasiya olunub.
Dəm qazının toksiki təsiri diaqnozları təyin edilən şəxslərə zəruri tibbi xidmətlər göstərilib. Onlar ambulator müalicə üçün evə buraxılıblar.
***
Sumqayıtda bir ailənin 5 üzvü dəm qazından zəhərlənib.
Report.az-ın məlumatına görə, hadisə şəhərin 18-ci məhəlləsində qeydə alınıb.
44 yaşlı İlqar Süleymanov, həyat yoldaşı 39 yaşlı Könül Süleymanova, övladları - 19 yaşlı Yetər Süleymanova, 18 yaşlı Turanə Süleymanova və 17 yaşlı Ülvi Süleymanov yaşadıqları evdə dəm qazından zəhərləniblər.
Zərərçəkənlər xəstəxanaya çatdırılıb.
Faktla bağlı araşdırma aparılır.
