Sumqayıtın 18-ci mikrorayonunda xəbərdarlıq edilmədən su kəsilməsi narazılıq yaradıb.
İri Şəhərlərin Birləşmiş Su Təchizatı Xidmətindən problemin səbəbi və suyun verilişinin nə vaxt bərpa olunması ilə bağlı açıqlama verilib:
"İçməli su xəttində qəza baş vermişdi. Sumqayıt Sukanal İdarəsinin Qəza-bərpa xidməti qəzanı aradan qaldırıb. Yaxın 1 saat ərzində suyun verilməsinin əvvəlki rejimi bərpa olunacaq".
***
Sumqayıtda mikrorayonlardan birində xəbərdarlıq edilmədən su kəsilməsi narazılıq yaradıb.
Sumqayit24.az-a bu barədə sakinlər məlumat veriblər.
Vətəndaşların sözlərinə görə, 18-ci mikrorayon ərazisində təxminən 4 saatdan çoxdur ki, suyun verilişində məhdudiyyət yaranıb.
Bu cür vəziyyət sakinlər gündəlik işlərində müxtəlif problemlərə səbəb olub. Sakinlərin məlumatına əsasən, məsələ ilə bağlı müvafiq qurumla əlaqə saxlamağa çalışsalarda bu mümkün olmur.
İri Şəhərlərin Birləşmiş Su Təchizatı Xidmətindən sorğumuza cavab olaraq bildirildi ki, qeyd olunan ünvanla bağlı müraciət rayonun sukanal idarəsinin cavabdeh şəxslərinə yönləndirildi.
"Vəziyyətə tam aydınlıq gətiriləndən sonra sorğunuz cavablandırılacaq. Bu ilkin cavabımızdır. Araşdırıb məlumat veriləcək", - deyə məlumatda qeyd olunub.
