Sumqayıtın yaşayış massivlərindən birində antisanitar vəziyyət hökm sürür.
Bu barədə Sumqayit24.az-a Yaşıl Dərə yaşayış massivinin sakinləri məlumat veriblər.
Onların sözlərinə görə, ərazidə zibil konteynerlərinin sayının məhdud olması səbəbindən məişət tullantıları müxtəlif yerlərə atılır.
Sakinlər bildirirlər ki, bəzi hallarda zibillər hətta dirəklərdən asılır.
Bu vəziyyət həm antisanitar vəziyyət yaradır, həm də ərazinin ümumi görünüşünü korlayır.
"Yaşıl dərənin bir çox yerində vəziyyət budur. Zibil konteynerləri yoxdur, insanlar da bu cür natəmizliyə əl atırlar. Kimlərin etdiyini görmədiyimiz üçün şikayətimizi birbaşa həmin insanlara bildirə bilmirik. Artıq cana yığılmışıq", - deyə sakinlərdən biri narahatlığını bildirib.
Vətəndaşlar aidiyyəti qurumlardan Yaşıl Dərə yaşayış massivində zibil konteynerinin yerləşdirilməsini tələb edirlər.
