Sumqayıtda Azərbaycan dövlət sərhədini pozmaqda təqsirləndirilən Ermənistan vətəndaşlarının məhkəmə iclası keçirilib. Bu haqda 3 iyul tarixində Sumqayıt24 Report-a istinadən məlumat verir.
Sumqayıt Ağır Cinayətlər Məhkəməsində erməni hərbi qulluqçuları - Ovagimyan Arutyun Yurikoviç və Kazaryan Karen Aşotoviçin cinayət işi üzrə məhkəmə iclası başlayıb.
Hakim Fəhmin Hümbətovun sədrliyi ilə keçirilən prosesdə təqsirləndirilən şəxslər bildiriblər ki, tutduqları əməldən peşmandırlar:
"Azərbaycanı özümüzə düşmən ölkə bilmirik, tutduğumuz əməldən peşmanıq".
Məhkəmənin baxış iclası iyulun 5-nə təyin edilib.
Qeyd edək ki, may ayında erməni diversantlar terror aktı törətmək məqsədilə Zəngilan istiqamətində hərbi qulluqçularımıza qarşı zor tətbiq edərək sərhədi qanunsuz keçməyə cəhd ediblər.
