Sumqayıtda "Təbiətin Qoruyucuları: Gənclər Ekoloji Liderliyə Doğru!" adlı səyyar layihə keçirilib.
Sumqayit24.az-ın məlumatına görə, proqram şəhərin Eko səfiri Famil Pirəliyev və Gənclərin İnkişafı və Karyera mərkəzinin Abşeron-Xızı regional nümayəndəliyi tərəfindən təşkil olunub.
Layihə Sumqayıt Dövlət Universiteti nəzdində Sumqayıt Dövlət Texniki Kolleci, Sumqayıt Musiqi Kolleci, Ə.Əliyev adına Sumqayıt Tibb Kolleci, İqtisadi Zonaların İnkişafı Agentliyi nəzdində Peşə Təhsil Mərkəzində baş tutub. Məqsəd tələbə gənclərin "Təbiətin Qoruyucuları" adlı təşəbbüs, gənclərin ekoloji problemlərin həllində iştirakını artırmaq və onların təbiəti qoruma sahəsində liderlik qabiliyyətlərini inkişaf etdirməkdir.
Gənclər öz təşəbbüsləri ilə fərqli ekoloji layihələr həyata keçirir, maarifləndirmə kampaniyaları təşkil edir və yerli icmalarda ekoloji dəyişikliklərə töhfə verirlər. Belə gənclər ekoloji liderlik təlimləri və müxtəlif layihələr vasitəsilə həm öz bacarıqlarını artırır, həm də gələcək nəsillər üçün daha yaşıl və davamlı bir dünya yaratmağa çalışırlar. Bu təşəbbüslərdə iştirak edən gənclər ekoloji fəal olmaqla yanaşı, eyni zamanda digər insanları da bu mövzuda məlumatlandırır və ekoloji hərəkatın bir parçası olurlar. Gənclər bu sahədə əldə etdikləri biliklərlə təqdimatlar hazırlayıb, bu problemlərin qarşısının alınmasında öz güclərini göstəriblər. [modula id="65220"]
