Sumqayıtda eksternat imtahanının keçiriləcəyi tarix açıqlanıb.
Sumqayit24.az xəbər verir ki, 1, 29 və 31 nömrəli tam orta ümumtəhsil məktəblərinin binalarında 31 yanvar saat 11:00-da təşkil olunacaq imtahanlar ilk dəfə elektron qaydada baş tutacaq.
Qeyd edək ki, eksternat təhsilalma formasının tətbiqi müxtəlif səbəblərdən ümumi orta və tam orta təhsil səviyyələrini başa vura bilməyən şəxslərə həmin səviyyələr üzrə buraxılış imtahanı verib, müvafiq təhsil sənədi almaq üçün şərait yaratmaq məqsədi daşıyır.
Eksternat imtahanlarında uğur qazanacaq şəxslər ümumi orta və tam orta təhsil haqqında sənəd (attestat) almaq üçün Dövlət İmtahan Mərkəzi tərəfindən keçirilən buraxılış imtahanlarında iştirak etmək hüququna sahib olacaqlar.
