Sumqayıt məktəblərinin şagirdləri və respublika Uşaq-Gənclər İnkişaf Mərkəzlərinin dərnək üzvləri arasında baş tutan "El bilir ki, sən mənimsən" adlı respublika rəsm və əl işi müsabiqəsi qaliblərinin mukafatlandırılma tədbiri keçirilib. Sumqayıt24 bu haqda 9 may tarixində xəbər verir.
Tədbirdə icra başçısı Zakir Fərəcov, Abşeron - Xızı Regional Təhsili İdarəsinin müdiri İlhamə Abdullayeva, Sumqayıt Bələdiyyəsinin rəhbəri Orxan Adıgözəlzadə, məktəb direktorları, respublika uşaq inkişaf mərkəzinin rəhbərləri və digər qonaqlar iştirak ediblər. İlk öncə onlar qaliblərin rəsm və əl işlərindən ibarət sərgiyə baxış keçiriblər.
Çıxışçılar ulu öndər Heydər Əliyevin təhsilə, gələcək nəslin savadlı və milli dəyərlərə bağlı yetişməsinə xüsusi diqqət ayırdığını bildiriblər.
Qaliblər mükafatlandırılıblar. Daha so0nra şagirdlərin ifasında ədəbi-bədii kompozisiya təqdim olunub.
Qeyd edək ki, Heydər Əliyevin 100 illik yubileyinə həsr olunmuş müsabiqə Abseron-Xızı Regional Təhsil İdarəsi və Sumqayıt Bələdiyyəsinin dəstəyi, 1 nömrəli Uşaq-Gənclər İnkişaf Mərkəzinin təşkilatçılığı ilə keçirilib.
