Sumqayıtda elektrik dirəyində yanğın baş verib.
Sumqayit24.az xəbər verir ki, yanğın Stansiya Sumqayıt yaşayış massivində yerləşən elektrik dirəyində qeydə alınıb.
İlkin məlumata görə, hadisə nəticəsində elektrik dirəyində yerləşən təxminən 10 p/m uzunluğunda elektrik naqili yanaraq yararsız hala düşüb.
Yanğın əraziyə cəlb olunan Fövqəladə Hallar Nazirliyinin əməkdaşları tərəfindən söndürülüb.
Hadisənin başvermə səbəbi ilə bağlı araşdırma aparılır.
