Sumqayıtda Ümummilli Lider Heydər Əliyevin anım mərasimi keçirilib.
Sumqayit24.az xəbər verir ki, Sumqayıtın icra başçısı Zakir Fərəcov, millət vəkilləri, hüquq mühafizə orqanlarının, idarə və müəssisələrin rəhbərləri, ictimaiyyət nümayəndələri Ulu Öndərin abidəsini ziyarət edərək, abidə önünə güllər düzüblər.
Əvvəlcə Ümummilli Lider Heydər Əliyevin xatirəsi bir dəqiqəlik sükutla yad olunub.
Vurğulanıb ki, ölkəmizin ictimai-siyasi, iqtisadi, elmi-mədəni həyatının elə bir sahəsi yoxdur ki, orada Heydər Əliyevin möhtəşəm quruculuq izləri, parlaq əməlləri görünməsin. Sumqayıt Ümummilli Liderin Azərbaycana rəhbərlik etdiyi illərdə ölkəmizin aparıcı sənaye mərkəzlərindən birinə çevrilib.
