Sumqayıt şəhərində II və III ixtisas qrupları üzrə qəbul imtahanları keçiriləcək. Bu haqda 7 iyul tarixində Sumqayıt24 Dövlət İmtahan Mərkəzinə (DİM) istinadən məlumat verir.
İyulun 8-də III ixtisas qrupu, iyulun 9-da isə II ixtisas qrupu üzrə ali təhsil müəssisələrinə qəbul imtahanı keçiriləcək.
İmtahan saat 10:00-da başlayacaq. Saat 09:45-də buraxılış rejimi başa çatır və bundan sonra gələn iştirakçılar imtahan binasına buraxılmırlar.
Abituriyentlər imtahana aşağıda qeyd olunan sənədləri gətirməlidirlər:
- İmtahana buraxılış vərəqəsi;
- Şəxsiyyəti təsdiq edən sənədin əsli.
Qeyd edək ki, sıxlığın qarşısının alınması məqsədilə imtahan binasına müxtəlif daxilolma vaxtları müəyyən edilib və həmin vaxt buraxılış vərəqəsində göstərilib.
