Sumqayıtda arvadına xəsarət yetirən şəxsin məhkəmə istintaqı yekunlaşıb.
Pravda.az-ın əldə etdiyi məlumata görə, Sumqayıt Şəhər Məhkəməsində hakim Fərid Nəsimiyevin sədrliyi ilə keçirilən prosesdə Malik Namazova (şərti) hökm oxunub. Qərara əsasən cinayət işinə xitam verilib və təqsirləndirilən şəxs cinayət məsuliyyətindən azad edilib.
İttihama görə, hadisə 23 avqust 2024-cü ildə "ASAN" xidmət mərkəzinin yaxınlığında qeydə alınıb.
Belə ki, Malik Namazov keçmiş arvadı, zərərçəkmiş şəxs ilə məişət zəminində mübahisə edib və qadının onunla barışmaq istəməməsinə görə əsəbiləşib. Nəticədə Malik qadının sifət nahiyəsinə qəsdən sillə vurub və onun sağlamlığına yüngül zərər yetirib.
Məhkəmədə məlum olub ki, tərəflər arasında barışıq olub, kişi vurulmuş ziyanı ödəyib, zərərçəkmiş şəxsin ona qarşı hər hansı bir şikayət və tələbi yoxdur.
