Mətbuatda 20 və 21-ci məhəllələrdə köhnə evlərin söküləcəyinə dair məlumatlar yayılıb.
Bildirilir ki, ərazidə gələn ilin mart ayından etibarən köhnə tikililərin söküntüsünə start veriləcək. Bunun müqabilində sakinlərə hər kvadratmetrə görə 1500, üstəlik kirayə mənzil haqqı olaraq 500 manat aylıq pul ödəniləcək.
Sumqayit24.az-ın əməkdaşı məsələ ilə bağlı Sumqayıt Şəhər İcra Hakimiyyətinə sorğu ünvanlayıb. Qurumun mətbuat katibi Eyvaz Qocayev sorğuya cavab olaraq bildirib ki, hələlik belə bir məlumat yoxdur:
“Məlumat olan kimi açıqlanacaq”.
Qeyd edək ki, 2025-ci ildən Bakıda 2-3 mərtəbəli və qəzalı binaların söküntüsünə başlanılacaq.
