Sumqayıtın bir sıra küçələrində səkilər təmir edilir.
Sumqayit24.az xəbər verir ki, hazırda işlər Ağa Quliyev küçəsi və Heydər Əliyev prospektinin 4-cü mikrorayon ərazisinə düşən hissəsində aparılır. Belə ki, köhnəlmiş səkilər sökülərək yerinə yeni səki daşları döşənir. Təmirdən sonra ərazidə həm piyadaların rahat hərəkəti təmin ediləcək, həm də şəhərin ümumi estetik görünüşü yaxşılaşdırılacaq.
Sumqayıt Şəhər İcra Hakimiyyətindən bildirilib ki, səki təmiri işləri mərhələli şəkildə digər küçələrdə də davam etdiriləcək.
