Sumqayıtda mikrorayonlardan birində antisanitar vəziyyət hökm sürür.
Sumqayit24.az-a daxil olan məlumata görə, 8-ci mikrorayonda, 20a saylı bina və ətrafdakı digər binaların bəzi sakinləri zibilləri yol kənarına atırlar.
Bildirilib ki, bu cür halların qarşısını almaq məqsədilə sakinlərdən biri əraziyə "buraya zibil atmaq olmaz" yazısı ilə elan yerləşdirib.
"Həmin elan da naməlum şəxs və ya şəxslər tərəfindən götürülüb. Belə insanlarla eyni yerdə yaşadığıma görə çox utanıram", - deyə şikayətçi bildirib.
Xatırladaq ki, 14 aprel tarixində redaksiyamız tərəfindən sözügedən yerin zibillənməsi ilə bağlı şikayət işıqlandırılıb.
