Sumqayıtda məktəb direktorları hər həftə görüş keçirəcəklər.
Sumqayıt24 xəbər verir ki, şəhərimizdə fəaliyyət göstərən bir neçə məktəbin rəhbəri qəbul qrafikini açıqlayıb. Ətraflı aşağıda:
- "Təfəkkür" liseyinin direktoru Qönçə Səftərova hər həftənin çərşənbə günü saat 15:00-da vətəndaşlarla görüşəcək. Qəbula yazılmaq üçün (018) 642-42-10 nömrəsi ilə əlaqə saxlaya bilərsiniz.
- Hər həftənin cümə axşamı günü saat 14:00-da 2 nömrəli məktəbin direktoru Xalid Adıgözəlov tərəfindən vətəndaşların qəbulu həyata keçiriləcək. Qəbula yazılmaq üçün qeyd olunan telefon nömrəsi ilə əlaqə saxlaya bilərsiniz: (018) 658-09-72.
- 4 nömrəli məktəbin direktoru Səadət Məmmədova isə vətəndaşları bazar ertəsi günləri qəbul edəcək. Görüşlər saat 15:00-da başlayacaq. İştirak etmək istəyənlər (050) 761-05-19 nömrəsi ilə əlaqə saxlamalıdırlar.
- 8 nömrəli məktəbin rəhbəri Şəlalə Məmmədova da qəbulunu hər həftənin çərşənbə günü keçirəcək. Saat 14:00-da başlayacaq görüşə yazılmaq üçün (010) 514-53-43 və ya (018) 655-94-34 nömrəsi ilə əlaqə saxlamaq olar.
- Hər həftənin cümə günü saat 14:00-da C. Səfərov adına 10 nömrəli məktəbin direktoru Səmra Quluzadə vətəndaşları qəbul edəcək. Görüşə yazılmaq üçün qeyd olunan telefon nömrəsi ilə əlaqə saxlaya bilərsiniz: (050) 502-28-25.
- Vətən Müharibəsi Qəhrəmanı Anar Şükürov adına 25 nömrəli məktəbin direktoru Mehdiqulu Aslanov hər həftənin cümə axşamı günü saat 15:00-da sakinlərlə görüşəcək. Əlaqə nömrəsi: (051) 526-85-65.
- 36 nömrəli məktəbin direktoru Sevinc Allahverdiyeva hər həftənin cümə günü saat 15:00-da qəbul keçirəcək. Qeyd olunan nömrə ilə əlaqə saxlayaraq qəbula yazıla bilərsiniz: (050) 357-39-43.
- Hər həftənin cümə günü saat 15:00-da 43 nömrəli məktəbin direktoru Ülviyyə Mahmudova tərəfindən vətəndaşların qəbulu həyata keçirləcək. Qeydiyyat nömrəsi: (018) 652-85-31.
Xatırladaq ki, elm və təhsil naziri Emin Əmrullayev bir neçə gün öncə jurnalistlərə açıqlamasında bildirmişdi:
“Elə məktəb direktorları var ki, onların qəbuluna düşmək mənim, nazirin qəbuluna düşməkdən daha çətindir.
Məktəb direktorları, siz valideynlərlə görüşüb onlara lazım olan mesajı çatdırırsınız. Bu halda siz həmin mesajı necə çatdırırsınız? İstəyərdim ki, bu cür halları müzakirə edək. Necə edə bilərik ki, bu prosesi yaxşılaşdıraq?!"
