Mədəniyyət Nazirliyinin təşkilatçılığı ilə böyük bəstəkar Üzeyir Hacıbəylinin 140 illiyi çərçivəsində, nazirliyin nəzdində fəaliyyət göstərən bədii kollektivlərin ölkənin müxtəlif bölgələrinə ilk dəfə olaraq genişmiqyaslı qastrol səfərlərinin təşkili 2025-ci və 2026-cı illər üçün nəzərdə tutulub.
Sumqayit24.az xəbər verir ki, qastrol proqramı Sumqayıtdan başlayacaq. Belə ki, R.Behbudov adına Azərbaycan Dövlət Mahnı Teatrının estrada-simfonik orkestri dekabr ayının 1-də "Kimyaçı" Mədəniyyət Sarayında çıxış edəcək.
Üzeyir Hacıbəylinin 140 illik yubileyi çərçivəsində ilk dəfə reallaşdırılan bu qastrol proqramı regionlarda mədəni mühitin daha da zənginləşməsinə, incəsənətə olan marağın artırılmasına və yaradıcı mübadilənin genişlənməsinə mühüm töhfə verəcək.
