Sumqayıt Şəhər İcra Hakimiyyəti tenderlərin qaliblərini açıqlayıb. Sumqayıt24 bu haqda 5 iyul tarixində Fed.az-a istinadən xəbər verir.
"Sumqayıt şəhərinin Sahil küçəsində yolun asfalt örtüyünün əsaslı təmiri işlərinin satın alınması" üzrə müsabiqəni "Xezer-Construction" MMC qazanıb. Şirkətə 1.647.405 manat veriləcək.
Digər tender isə "Sumqayıt şəhərində küçə və parklarda abadlıq işlərinin satın alınması" ilə bağlıdır. Qalib olan "Azərenerji" MMC-yə 1.299.866 manat veriləcək.
Sonuncu tenderin qalibi isə "Uğurlu İnşaat" MMC-dir. Qalib şirkətə 613.132 manat ödəniləcək. Elanda Sumqayıt şəhərində mikrorayon - məhəllədaxili yolların asfalt örtüyünün və şəhərin küçə, prospektlərində yararsız yağışqəbuledici və kanalizasiya quyularının əsaslı təmirinin satın alınması nəzərdə tutulur.
