Sumqayıt şəhərində WUF13 Festivalı keçiriləcək.
Sumqayit24.az xəbər verir ki, mayın 17–22-də baş tutacaq Ümumdünya Şəhərsalma Forumunun On Üçüncü Sessiyası (WUF13) ilə əlaqədar təşkil olunacaq festival proqramı iki hissədən ibarət olacaq. Günün birinci yarısında məlumatlandırma sessiyası, axşam saat 18:00-da isə festival açıq havada keçiriləcək ictimai proqramlarla davam edəcək.
29 aprel tarixində Nəsimi adına Mədəniyyət və İstirahət parkında keçiriləcək tədbirin axşam proqramı çərçivəsində interaktiv fəaliyyətlər, maarifləndirici oyunlar, təqdimatlar və ictimai müzakirələr vasitəsilə dayanıqlı şəhər inkişafı, inklüziv şəhər mühiti, innovativ şəhər həlləri və gələcəyin şəhərləri kimi mövzular geniş auditoriyaya çatdırılacaq. Eyni zamanda, WUF13-ün əsas mövzusu və ideyaları barədə ətraflı məlumat təqdim olunacaq.
Qeyd edək ki, iştirak sərbəstdir və hər kəs dəvətlidir.
