Sumqayıtda “Təhsildə yeni çağırışlar” regional konfransı keçirilib.
Sumqayit24.az xəbər verir ki, konfrans Abşeron-Xızı Regional Təhsil İdarəsinin tabeliyindəki ümumi təhsil müəssisələrinin pedaqoji heyəti üçün təşkil edilib.
Tədbiri açan Sumqayıt Dövlət Universitetinin (SDU) rektoru Rüfət Əzizov konfransın mövzusunun aktuallığına diqqət çəkib. Rektor təhsildə yeni çağırışlarla bağlı SDU-da həyata keçirilən işlərdən bəhs edib.
Sonra çıxış edən “T- Network” təhsil işçilərinin təcrübə və kommunikasiya platformasının rəhbəri Cəfər Mənsimi, Azərbaycan Gənc Müəllimlər Assosiasiyasının sədri Pərvinə Qədimova, Elm və Təhsil Nazirliyinin yanında İctimai Şuranın üzvü Elçin Əzimli təhsildə yeni çağırışlarla bağlı müsbət təcrübələrdən danışıblar.
Konfransın sonunda iştirakçılara sertifikatlar təqdim olunub.
