Sumqayıtda "Gender Əsaslı Zorakılığa qarşı 16 Günlük Kampaniya" çərçivəsində tədbir keçiriləcək.
Sumqayit24.az xəbər verir ki, maarifləndirici seminar dekabrın 11-də saat 14:00-da Sumqayıt Gənclər Evində baş tutacaq.
Kampaniya çərçivəsində keçiriləcək məlumat sessiyasında Sumqayıtda yaşayan şəxslərlə (tələbələr, psixoloqlar, müəllimlər, hüquqşünaslar, vətəndaş cəmiyyəti üzvləri və s.) bir araya gələrək gender bərabərliyi və qadına qarşı zorakılıq, ətraf mühit amillərinin qadın və qızların həyatına təsiri və zorakılıq halları ilə mübarizə üzrə mövcud müdafiə və dəstək mexanizmi haqqında məlumat veriləcək.
Tədbirdə iştirak etmək istəyənlər link vasitəsilə qeydiyyatdan keçə bilərlər.
