Avtomobil qəzasında xəsarət alan şəxslərin vəziyyəti məlum olub.
TƏBİB-dən Sumqayit24.az-a verilən məlumata görə, Sumqayıtda baş verən yol-nəqliyyat hadisəsi səbəbilə Sumqayıt Tibb Mərkəzinin Təcili Tibbi Yardım Xəstəxanasına 07.12.2024-cü il tarixində saat 21:20 radələrində 4 nəfər (3 qadın, 1 kişi cinsli) hospitalizasiya olunub.
Müxtəlif bədən xəsarətləri alan şəxslərə xəstəxananın Təcili yardım şöbəsində zəruri tibbi xidmətlərin göstərilməsi davam etdirilir, vəziyyətləri stabildir.
***
Saat 22:48
Sumqayıtda daha bir yol-nəqliyyat hadisəsi baş verib.
Sumqayit24.az-ın məlumatına görə, Babək küçəsində “Toyota” və “Honda” markalı avtomobillərin toqquşması nəticəsində 4 nəfər (şəxsiyyətləri dəqiqləşdirilir) müxtəlif dərəcəli bədən xəsarətləri alıb.
Yaralılar dərhal Sumqayıt şəhər Təcili Tibbi Yardım Xəstəxanasına çatdırılıblar.
Faktla bağlı araşdırma aparılır.
