Sumqayıtda saxta əsginaslar yayan şəxs peyda olub. Bu barədə 30 noyabr tarixində Sumqayıt24 xəbər verir.
Ramin adlı bu vətəndaşın əməllərindən bir neçə sahibkar zərər çəkib. Şikayətçilərin sözlərinə görə o, gecə saatlarında müxtəlif köşklərə yaxınlaşaraq satıcıdan 100 manatı (və ya dollar) xırdalamasını xahiş edir. İş işdən keçdikdə isə, məlum olur ki, həmin əsginaslar saxtadır.
“Elə olub ki, o, satıcıya müxtəlif məhsulları paketə yığdırıb. Daha sonra, “avtomobildən pulu götürüb gəlirəm” adı ilə məhsulları götürərək uzaqlaşıb. Camaat gecə yatmır ki 5-10 manat pul qazansın, o də oğurlanır”, - deyə şikayətçilər bildiriblər.
Məlumata görə, Raminin ağ rəngdə “Daewoo” markalı avtomobili var.
