Son günlər Sumqayıt-Bakı istiqamətində fəaliyyət göstərən ekspres marşrut xətləri ilə bağlı şikayətlər artmaqdadır.
Sumqayit24.az-ın sorğusuna "Bakubus" MMC-dən bildirilib ki, 594 nömrəli müntəzəm marşrut xətti üzrə sərnişindaşıma fəaliyyəti ümumilikdə 32 avtobusla 3-5 dəqiqəlik intervalla, 595 nömrəli marşrut xətti üzrə isə 10 avtobusla 10-11 dəqiqəlik intervalla təmin edilir.
"BakuBus" MMC-nin Monitorinq mərkəzindən əldə olunan müşahidə və əməliyyat məlumatlarına əsasən, son 2 həftə ərzində qeyd olunan marşrut xətləri üzrə avtobuslararası interval ümumilikdə müəyyən edilmiş qrafik çərçivəsində təmin edilib.
Eyni zamanda qeyd edirik ki, son 2 gün ərzində, xüsusilə pik saatlarda, Bakı–Quba (Rusiya istiqaməti) avtomobil yolunda müşahidə olunan nəqliyyat sıxlığı səbəbindən marşrut xətləri üzrə avtobuslararası intervalda müvəqqəti artım qeydə alınıb. Yaranmış gecikmələrlə bağlı "BakuBus" MMC-nin rəsmi Telegram kanalında operativ məlumatlar paylaşılıb və sərnişinlər mütəmadi şəkildə məlumatlandırılıb.
Məlumat üçün bildiririk ki, Telegram kanalında yollardakı mövcud vəziyyət, eləcə də marşrut xətlərinin trayektoriyasında edilən dəyişikliklərlə bağlı məlumatlar davamlı və operativ şəkildə paylaşılır", - deyə məlumatda qeyd edilib.
***
Son günlər Sumqayıt-Bakı istiqamətində fəaliyyət göstərən ekspres marşrut xətləri ilə bağlı şikayətlər artmaqdadır.
Sumqayit24.az-a müraciət edən vətəndaşların sözlərinə görə, artıq iki həftədən çoxdur ki, səhər saatlarında avtobusların hərəkətində ciddi gecikmələr müşahidə olunur.
Sərnişinlərin məlumatına əsasən, xüsusilə 594 və 595 nömrəli ekspres marşrutlarda bu problem daha qabarıq hiss olunur.
"Dedilər gediş haqqı 0,90 qəpik olanda avtobusların sayı artacaq və fasiləsiz işləyəcək. Amma heç bir dəyişiklik yoxdur", - deyə vətəndaş narazılığını ifadə edib.
Məsələ ilə bağlı aidiyyəti quruma sorğu ünvanlanıb.
