Sumqayıtda bəzi sərnişin avtobusları axşam saatlarında fəaliyyət göstərmir. Bu haqda 9 fevral tarixində Sumqayıt24 ATV News-a istinadən xəbər verir.
Söhbət 3, 33 və 5 nömrəli marşrut xətti üzrə işləyən avtobuslardan gedir. Sakinlərin sözlərinə görə, sözügedən avtobusları axşam saat 20:00 və 21:00-dan sonra görmək mümkünsüz olur. Belə olan halda sərnişinlər məcbur qalıb taksidən istifadə edirlər.
Həmin marşrut xətlərinə cavabdeh olan qarajın müdiri Sirac Səfərov avtobusların müvafiq saatlarında işləməməsinin səbəbini belə izah edib:
“Həmin əraziyə gediş-gəlişin son təmin olunma vaxtı var. Məsələn, Yaşma ərazisində artıq saat 21:00-dan sonra gediş-gəliş çox sayda azalır. 33 saylı marşrutda 8 dövriyə, 5 saylıda 9 dövriyə, 3 saylı avtobusda isə 8 dövriyə nəzərdə tutulub.”
O əlavə edib ki, yayda marşrut xətlərinin qrafikində dəyişiklik ediləcək. Avtobuslar saat 23:00-dək fəaliyyət göstərəcək.
