Sumqayıt şəhərində geyim oğurluğu hadisəsi qeydə alınıb.
Sumqayit24.az-a daxil olan məlumata görə, hadisə 42-ci məhəllədə yerləşən yaşayış binalarından birində baş verib. Belə ki, bir nəfər binanın həyətində ipdən asılmış şalvarlardan bir neçəsini götürüb. Hadisə təhlükəsizlik kameraları vasitəsilə qeydə alınıb.
Sakin bildirib ki, görüntülərin paylaşılmasında məqsəd həmin şəxsin öz hərəkətindən nəticə çıxarmasıdır:
"İstəyirəm ki, bunu görüb utansın və bir daha belə əmələ yol verməsin. Şalvarla bağlı polisə müraciət etməyin məncə mənası yoxdur. Onların bundan daha vacib işləri var".
