Sumqayıtda müxtəlif istiqamətlərdə müntəzəm avtobus marşrutları müsabiqəyə çıxarılır.
Sumqayit24.az xəbər verir ki, bu barədə Azərbaycan Yerüstü Nəqliyyat Agentliyindən (AYNA) məlumat verilib.
Məlumata əsasən, sərnişindaşıma xidmətinin keyfiyyətinin artırılması ilə bağlı tədbirlər çərçivəsində Sumqayıt–Cəbrayıl, Cəbrayıl–Sumqayıt, İmişli–Sumqayıt şəhərlərarası avtobus marşrutları müsabiqəyə çıxarılır.
Sənədlər 15 may 2026-cı il saat 17:00-dək Azərbaycan Yerüstü Nəqliyyat Agentliyində (ünvan: Bakı şəhəri, Hacı Məmmədov küçəsi 5; əlaqələndirici şəxs: Anar Məmmədov (mob: 077-455-99-06, e-poçt: [email protected]) qəbul ediləcək.
Qeyd edək ki, müsabiqəyə əsas avtobuslarla yanaşı, ehtiyat nəqliyyat vasitələri də təqdim olunmalıdır.
İddiaçıların təkliflərinə komissiya tərəfindən Sumqayıt–Cəbrayıl və Cəbrayıl–Sumqayıt istiqamətlərində iyunun 2-də, İmişli–Sumqayıt istiqamətində isə iyunun 5-də baxılacaq.
