Sumqayıtda ictimai nəqliyyatda növbəti problem yaşanıb.
Sakinlər Sumqayit24.az-a bildiriblər ki, 12 nömrəli marşrut xəttinin sürücüsü avtobusu lükü açıq vəziyyətdə sürüb. Yağışlı hava şəraiti səbəbindən su birbaşa avtobusun salonuna damıb.
Bu zaman avtobusda çox sayda sərnişin olub. Yağan yağış sərnişinlərin üzərinə tökülüb, bu isə ciddi narazılığa səbəb olub. Sərnişinlər bildiriblər ki, sürücü vəziyyətə baxmayaraq hərəkəti davam etdirib.
Məsələ ictimai nəqliyyatda texniki nəzarətin zəifliyini bir daha gündəmə gətirib. Sərnişinlər aidiyyəti qurumlardan bu cür halların qarşısının alınmasını və avtobusların texniki vəziyyətinə ciddi nəzarət olunmasını tələb edirlər.
