Sumqayıt şəhəri, Səməd Vurğun küçəsində yerləşən sexdə yanğın hadisəsi baş verib.
Sumqayit24.az Fövqəladə Hallar Nazirliyinə (FHN) istinadən xəbər verir ki, yanğın vətəndaşa məxsus, ümumi sahəsi 800 kvadratmetr olan polietilen istehsalı sexində qeydə alınıb.
Əraziyə FHN-in müvafiq qüvvələri cəlb olunub. Yanğınsöndürənlərin çevik müdaxiləsi sayəsində obyektin baş vermiş yanğının genişlənməsinə, o cümlədən yaxınlıqda yerləşən evlərə keçməsinə imkan verilmədən qısa müddətdə söndürülüb.
Hadisə nəticəsində sexin içərisində 200 kvadratmetr sahədə yığılmış polietilen tullantıları və sexin dam örtüyünün taxta atmaları 300 kvadratmetr sahədə yanıb. Xəsarət alan olmayıb.
