Sumqayıt şəhərinin "Mero" kimi tanınan ərazisinə gedən yolun vəziyyəti narazılıqlara səbəb olub.
Sumqayit24.az-a müraciət edən yerli sakinlər bildiriblər ki, bir müddət əvvəl yolda asfaltlanma işləri həyata keçirilib. Amma sonradan qazıntı işləri aparılıb və asfalt örtüyü düzgün bərpa edilməyib.Belə ki, son işlərdən sonra yolun ortasında çuxura bənzər çöküntü yaranıb. Bu isə ərazidə hərəkət edən avtomobillərə çətinlik yaradır.
Sakinlər qeyd edirlər ki, bu vəziyyət xüsusilə gecə saatlarında təhlükəlidir, çünki çöküntünü görmək çətin olur.
