Sumqayıtdakı yataqxanaların birində yaşayan sakinlər binanın hər an çökə biləcəyindən narahatdırlar.
Söhbət 42-ci məhəllədə yerləşən 16 saylı yataqxanadan gedir. Vətəndaşlar dəfələrlə aidiyyəti üzrə qurumlara, habelə problemin işıqlandırılması üçün mediaya şikayətlər ünvanlayıblar. Lakin dərdlərinə hələ də əlac tapılmır.
“Şikayət etmədiyimiz yer qalmayıb, gecələri qorxudan yata bilmirik. Binadan səslər gəlir, binanın tezliklə çökəcəyi açıq-aydın bilinir. Gərək bina çöksün, biz də altında qalaq, ondan sonra hərəkətə keçsinlər?”, - deyə onlar bildiriblər.
Sumqayit24.az-ın müxbiri ərazidə olub və vətəndaşlarla həmsöhbət olub. Ətraflı süjetdə:
