Sumqayıtda tanışı tərəfindən bıçaqlanan 15 yaşlı yeniyetmə evə buraxılıb.
Tibbi Ərazi Bölmələrini İdarəetmə Birliyindən (TƏBİB) Sumqayit24.az-ın sorğusuna cavab olaraq bildirilib ki, 2009-cü il təvəllüdlü şəxs (kişi cinsli) 22.12.2024-cü il tarixində saat 16:10 radələrində Sumqayıt Tibb Mərkəzinin Uşaq Xəstəxanasına hospitalizasiya olunub:
“Sol budun açıq yarası diaqnozu təyin edilən şəxsə xəstəxananın Təcili yardım şöbəsində zəruri tibbi yardım göstərilib və ambulator müalicə üçün evə buraxılıb”.
Qeyd edək ki, insident bu gün 42-ci məhəllə ərazisində qeydə alınıb. Belə ki, Kənan adlı şəxs münaqişə zəminində tanışı, 15 yaşlı Rəvan Qiyaslıya bıçaqla xəsarət yetirib.
Nəzrin Vahid
