Sumqayıtda “Milli Pediatriya Akademiyası - 95 il” yubiley layihəsi çərçivəsində “Pediatriyanın aktual problemləri” mövzusunda konfrans təşkil olunub.
Sumqayit24.az xəbər verir ki, tədbirdə TƏBİB nümayəndələri, millət vəkilləri, Sumqayıt Şəhər İcra Hakimiyyətinin rəsmiləri və Sumqayıt Tibb Mərkəzinin (STM) rəhbərliyi iştirak ediblər.
Tədbirdə çıxış edənlər konfransın əhəmiyyətindən, son illərdə Sumqayıt səhiyyəsində aparılan islahatlardan, həyata keçirilən layihələrdən bəhs ediblər.
Daha sonra STM-in uşaq kardioloqu, tibb üzrə fəlsəfə doktoru Elnur İmanov konfrans iştirakçılarına “Pediatrik praktikada uşaqlarda kardiopatologiyanın diaqnostik meyarları” mövzusunda master-klas keçib.
Konfrans pediatriyanın müxtəlif istiqamətlərini əhatə edən digər məruzələrlə yekunlaşıb.
