Sumqayıtda 17-ci mikrorayon ərazisində yaranan vəziyyətlə bağlı şikayət var.
Sumqayit24.az-a müraciət edən vətəndaşların iddiasına görə, Sumqayıt Təmizlik Departamentinin əməkdaşları başqa ərazilərdən topladıqları tullantıları 17-ci mikrorayon ərazisində müəyyən yerə tökürlər.
"Məsələ ilə bağlı sakinlər şikayət etdikdən sonra isə ərazidə təmizlik işləri həyata keçirilib. Lakin bu vəziyyət yenə də təkrarlanır. Bu hal ərazidə antisanitar vəziyyət yaradır və ətrafın görüntüsünə mənfi təsir göstərir", - deyə sakinlər qeyd ediblər.
Məsələ ilə bağlı Sumqayıt Təmizlik Departamenti Sumqayit24.az-a açıqlama verib və qurum səsləndirilən iddiaları təkzib edib.
"Sumqayıt Təmizlik Departamenti şəhərdə olan bütün tullantıları daşıyır, əraziləri təmizləyir, silir və süpürür. Əgər sonradan həmin ərazini təmizləyəcəyiksə, biz oranı niyə zibilləyək?", - deyə qurumdan cavab verilib.
