Sumqayıtda yerləşən Bağça Şəhər yaşayış kompleksində xoşagəlməz hal yaşanıb.
Sumqayit24.az xəbər verir ki, hadisə bu gün saat 16:30 radələrində 8a binasında baş verib. Tikilinin təhlükəsizlik sistemi qəflətən işə düşüb. Həyəcan siqnalının səsi sakinləri təşvişə salıb.
Bu səbəbdən müxtəlif mərhələlərdə yaşayan ailələr qorxaraq mənzillərini tərk ediblər.
Kompleks rəhbərliyinin verdiyi məlumata görə, heç bir hadisə baş verməyib. Lakin sonradan məlum olduğu kimi, həyəcan siqnalı qonşuları ilə “zarafat” etmək qərarına gələn azyaşlı sakinlər tərəfindən işə salınıb.
