Sumqayıtda küçələrin birində yaranan vəziyyət sakinlərin narazılığına səbəb olub.
Sumqayit24.az-a daxil olan məlumata görə, 20 Yanvar küçəsində, 25 nömrəli uşaq bağçasının yaxınlığında intensiv yağışlar zamanı ağac aşıb və hələ də ərazidən götürülməyib.
"Burada uşaq bağçası yerləşir və xeyli sayda azyaşlı, valideyn bu yoldan istifadə edir. Axşam saatlarında isə ərazidəki aşmış ağac demək olar ki, görünmür. Belə vəziyyət insanların yıxılmasına və xəsarət almasına səbəb ola bilər", - deyə sakinlərdən biri bildirib.
Vətəndaşlar aidiyyəti qurumlardan problemin qısa zamanda aradan qaldırılmasını tələb edirlər.
