Sumqayıtda mikrorayonlardan birində narahatedici vəziyyət yaranıb.
Bu barədə Sumqayit24.az-a yerli sakinlər məlumat veriblər.
Şikayətçilərin sözlərinə görə, 13-cü mikrorayon, 61 saylı yaşayış binasının qarşısında elektrik naqilləri aşağı doğru əyilib və təhlükəli vəziyyət yaradıb.
"Demək olar ki, naqillər insan boyuna yaxın məsafədədir. Bununla bağlı tədbir görülməlidir. Həyətdə uşaqlar oynayır və bu da problemin həll olunmasını zəruri edir", - deyə sakinlər narahatlıqlarını ifadə ediblər.
Vətəndaşlar aidiyyəti qurumlardan əraziyə baxış keçirilməsini və problemin aradan qaldırılmasını xahiş edirlər.
