Bələdiyyə seçkilərində özü və ya yaxın qohumları namizəd olan dairə seçki komissiyalarının (DSK) üzvləri vəzifədən azad ediliblər.
Sumqayit24.az xəbər verir ki, bununla bağlı məsələ Mərkəzi Seçki Komissiyasının (MSK) iclasında müzakirə olunub.
MSK sədrinin müavini Rövzət Qasımovun, MSK katibi Arifə Muxtarovanın və MSK katibi Mikayıl Rəhimovun təqdimatına əsasən 46 saylı Sumqayıt beşinci və 47 saylı Sumqayıt-Abşeron-Qaradağ daxil bir neçə seçki dairələrinin dairə seçki komissiyalarının tərkibində dəyişiklik edilib.
İclasda xatırladılıb ki, qanunvericiliyin tələbi ilə özü və ya yaxın qohumları seçkilərdə namizəd olan DSK üzvləri bu vəzifədə qala bilməz. DSK-ların tərkibində dəyişikliklərin bəzilərinin səbəbi məhz bu məsələdir. Yaxın qohumları namizəd olan DSK üzvləri vəzifədən müvəqqəti azad olunublar, özü namizəd olan DSK üzvlərinin isə fəaliyyətinə xitam verilib.
Müvafiq qərarlar səsverməyə qoyulub və qəbul edilib.
