Yenilənib: saat 11:10
“Stansiya Sumqayıt” yaşayış massivində baş verən qəza zamanı xəsarət alanların son vəziyyəti məlum olub.
TƏBİB-dən Sumqayit24.az-a verilən məlumata görə, 11.12.2024-cü il tarixində saat 08:00 radələrində 3 nəfər (hər üçü kişi cinsli) Sumqayıt Tibb Mərkəzinin Təcili Tibbi Yardım Xəstəxanasına hospitalizasiya olunub.
1984-cü il təvəllüdlü şəxsə sağ budun əziyi, 1990-cı il təvəllüdlü şəxsə belin əziyi, 1991-ci il təvəllüdlü şəxsə isə hər iki diz oynağının əziyi diaqnozları qoyulub və Təcili yardım şöbəsində zəruri tibbi yardımlar göstərilib.
Vəziyyətləri kafi qiymətləndirilən hər 3 şəxs ambulator müalicə üçün evə buraxılıb.
***
Sumqayıtda xəsarətlə nəticələnən yol-nəqliyyat hadisəsi baş verib.
Sumqayit24.az xəbər verir ki, hadisə saat 07:30 radələrində “Stansiya Sumqayıt” yaşayış massivində "Rem" mebel mağazasının yanında qeydə alınıb. “Isuzu” markalı yük maşını dönmə hərəkətini yerinə yetirən zaman aşıb. Yük maşınının sürücüsü müxtəlif dərəcəli bədən xəsarətləri alıb.
