Sumqayıt şəhər Heydər Əliyev Mərkəzində “Şanlı Zəfər tariximiz” adlı ədəbi–bədii tədbir keçirilib.
Sumqayit24.az xəbər verir ki, İdrak Liseyinin təşkil etdiyi tədbir Zəfər Gününə həsr edilib. Mərkəzin foyesində rəsm sərgisinə baxış olub.
Liseyin təsisçisi, professor Mövsüm Alışev, şəhid İzzət Həmidovun anası Vəfa xanım, deputat Müşfiq Məmmədli, Xüsusi Təyinatlı Qüvvələrin hərbçisi Ağadadaş Ağayev bayram münasibətilə təbriklərini çatdırıblar. Sonra aralarında şəhid övladlarının da olduğu lisey şagirdləri Zəfər tariximizin xronologiyasını əhatə edən səhnələr göstəriblər.
Tədbir Liseyin Xor kollektivinin ifası ilə yekunlaşıb.
Qeyd edək ki, Liseydə oxuyan 36 şagird şəhid övladıdır. Onların təhsil haqqını “YAŞAT” Fondu və Lisey qarşılayır.
