Sumqayıtda yol qəzası zamanı xəsarət alanların vəziyyəti məlum olub.
Bu barədə Sumqayit24.az-ın sorğusuna cavab olaraq Tibbi Ərazi Bölmələrini İdarəetmə Birliyindən (TƏBİB) məlumat verilib.
Bildirilib ki, baş verən yol-nəqliyyat hadisəsi səbəbilə 22.01.2025-ci tarixində saat 00:30 radələrində Sumqayıt Tibb Mərkəzinin Təcili Tibbi Yardım Xəstəxanasına 2 nəfər (kişi cinsli) şəxs hospitalizasiya olunub.
“Sol baldır sümüyünün sınığı diaqnozu təyin edilən 1984-cü il təvəllüdlü şəxs tibb müəssisəsinin Reanimasiya şöbəsinə yerləşdirilib. Hazırda müalicəsi davam etdirilir, vəziyyəti orta ağırdır.
Alının və üzün sağ yarısının cırılmış yarası diaqnozu təyin edilən 1992-ci təvəllüdlü şəxsə isə Təcili tibbi yardım şöbəsində zəruri tibbi yardımlar göstərilib. Vəziyyəti qənaətbəxş qiymətləndirilən şəxs ambulator müalicə üçün evə buraxılıb”, - deyə məlumatda göstərilib.
09:09
Sumqayıtda iki nəfərin xəsarət alması ilə nəticələnən yol-nəqliyyat hadisəsi baş verib.
Sumqayit24.az xəbər verir ki, hadisə Çerkassi küçəsində qeydə alınıb. Eyni istiqamətdə hərəkətdə olan "Mercedes" markalı avtomobil məişət tullantısı daşıyan maşına çırpılıb.
Qəza nəticəsində 2 nəfər ağır xəsarət alıb. Yaralılar dərhal Sumqayıt şəhər Təcili Yardım Xəstəxanasına çatdırılıb.
Faktla bağlı araşdırma aparılır.
View this post on Instagram
