Sumqayıtda tullantı qurutma mərkəzi açılacaq.
Sumqayit24.az xəbər verir ki, layihənin təşəbbüskarı "Holcim Azerbaijan" ASC-dir. Məlumata görə, layihə üzrə təqribən 30.8 milyon manat dövlət investisiyası hesabına Bakının Qaradağ rayonunda ve Sumqayıt șəhərində iki tullantı qurutma mərkəzinin yaradılması (27,6 milyon manat) və istehsal olunacaq alternativ yanacağın "Holcim" Sement Zavoduna daşınması ücün maşın və texnikaların alınması (3,2 milyon manat) nəzərdə tutulur.
Tullantıların emalı nəticəsində əldə olunan yanacaq sement zavodunda alternativ enerji mənbəyi kimi istifadə ediləcək.
Birinci mərhələdə ildə 200 min ton bərk məişət tullantısının (hər mərkəzdə 100 min ton) emal edilməsi planlaşdırılır, bu da 105 min tona qədər alternativ yanacaq əldə etməyə imkan verəcək.
Bundan əlavə, layihənin şərtlərinə əsasən, "Holcim Azerbaijan" 16 milyon manat investisiya təmin edəcək, bu vəsait zavodda yandırma avadanlığının quraşdırılmasına yönəldiləcək.
Beləliklə, layihənin ümumi dəyəri təxminən 47 milyon manat təşkil edə bilər.
