33 yaşlı birjaçı Alışan Nizami üç sahibkarın 4 milyondan çox pulunu ələ keçirmə ittihamı ilə həbs edilib.
Qafqazinfo.az-ın məlumatına görə, Nizaminin kimliyi ortaya çıxıb. Uşaqlıqdan birja fəaliyyəti ilə maraqlanan Alışan 4 il əvvəl vəfat edən Akif Alışanovun oğludur. A.Alışanov isə uzun illər polkovnik rütbəsi ilə Sumqayıt Mühafizə İdarəsinin rəisi işləyib. Sonuncu dəfə isə Müdafiə Sənayesi Nazirliyinin Mühafizə və təhlükəsizlik şöbəsinin rəisi kimi fəaliyyət göstərib.
Təqsirləndirilən şəxs həmçinin, AzTV-nin keçmiş sədri Arif Alışanovun qardaşı oğlu, Amerikada yaşayan müğənni Elariz Məmmədoğlunun isə kürəkənidir. O, 2014-cü ildə müğəninin qızı Günellə evlənib.
Hazırda ağır cinayətə görə mühakimə edilən Alışan Nizami 2018-2019-cu illərdə elə əmisinin yanında-AzTV-nin İnformasiya və Texnologiya şöbəsinin müdir müavini işləyib.
Qeyd edək ki, Alışan Nizami Akif oğlunun oyunlarına qoşulub milyonlar itirənlər "Aztelekom" MMC-nin sabiq baş direktoru Məhəmməd Məmmədovun oğlu Babək Məmmədzadə, Nərimanov Rayon Prokurorunun sabiq müavini Zeynal Usubov və başqa sahibkar Yadigar İsrafilovdur.
Birjaçı Cinayət Məcəlləsinin 178.4-cü (dələduzluq-xüsusilə külli miqdarda ziyan vurmaqla törədildikdə) maddəsi ilə ittiiham edilir. Amma ittihamı qəbul etmir. Bu cinayət məhkəmə hökmü ilə təsdiqini taparsa, Alışan Nizami ömrünün 10-14 ilini həbsdə keçirməli olacaq.
