Sumqayıtda “İlham Əliyev Sumqayıt şəhərinin sürətli sosial-iqtisadi inkişafının qarantıdır” mövzusunda elmi-praktiki konfrans təşkil olunub.
Sumqayit24.az xəbər verir ki, şəhərin 75 illik yubileyinə həsr olunmuş tədbirdə icra başçısı Zakir Fərəcov, idarə, müəssisə və təşkilatların rəhbərləri iştirak ediblər.
Şəhər rəhbəri konfransda çıxış edərək bildirib ki, Prezident İlham Əliyevin tapşırıq və nəzarəti altında, diqqət və qayğısı nəticəsində Sumqayıt intensiv sosial-iqtisadi inkişaf prosesləri dövrünü yaşamış, şəhərin sənaye potensialı dəfələrlə artıb. Hazırda şəhərdə onlarca kimya və neft-kimya, qara və əlvan metallurgiya, maşınqayırma, elektroenergetika, yeyinti və yüngül sənaye, tikinti materialları istehsalı müəssisələri fəaliyyət göstərir. Onların hər biri Azərbaycan iqtisadiyyatında böyük rol oynayan aparıcı istehsal müəssisələridir.
Daha sonra Sumqayıt Dövlət Universitetinin (SDU) professoru Şəfa Əliyev, Azərikimya İstehsalat Birliyinin baş direktoru Elnur Məmmədli, “Socar Polymer” MMC-nin direktoru Fuad Əhmədov, “Qartal” Tikinti firmasının direktoru Şahin Məmmədov və digərləri mövzu ətrafında məruzələrlə çıxış ediblər.
