Sumqayıtda fəaliyyət göstərən özəl bağça və inkişaf mərkəzinin rəhbəri İlahə Əliyevanın yol hərəkəti qaydalarını pozduğunu əks etdirən görüntülər sosial şəbəkələrdə müzakirələrə səbəb olub.
Videoda onun sükan arxasında təhlükəsizlik kəməri olmadan əyləşdiyi və diqqətsiz davranışlar sərgilədiyi görünür. Baş Dövlət Yol Polis İdarəsi tərəfindən hadisə ilə bağlı araşdırma aparılıb.
İlahə Əliyeva R TV-yə açıqlamasında bildirib ki, hadisənin baş verdiyi ərazi ictimai yol kimi istifadə edilsə də, faktiki olaraq məhəllədir:
"Mən evə gəldim, gəlinim dedi ki, "bibi, uşaq ağlayır, parka getmək istəyir". Onları maşına çağırdım və gəzməyə apardım. Gəlin maşına oturdu, uşaq da ağladı və ön oturacaqda oturmaq istədi. Heç 150 metr getmirik, yəni küçəmizdən çıxmırıq.
Bu videonu da gəlin statusunda paylaşıb. Onun statusundan götürüblər videonu. Mən bilirəm onu kim götürüb, həmin şəxsin Xırdalanda öz bağçası var. Onun bağçasının İnstaqram səhifəsini işlədən qız var, bloqerdi. O götürüb paylaşıb. Birbaşa düşmənçilik edib. Mən də səhər getdim polisə şikayət etdim və hər şeyi danışdım. Onun bu əməlinə görə axıra qədər gedəcəm".
