Sumqayıtda hərəkət edən 2 nömrəli marşrut sərnişin tələbatına tab gətirmir.
Sumqayit24.az xəbər verir ki, sözügedən xətt üzrə avtobuslar Sülh, Səməd Vurğun və Sahil küçələrindən (Bulvar ərazisi) keçərək Novxanı qəsəbəsində hərəkət edir.
Lakin günü-gündən çoxalan əhali artıq bu nəqliyyat vasitələrinə sığmır. “Sığdıqlarında” isə avtobusun qapıları bağlanmır və insanlar sözün əsl mənasında ağız-ağız dayanır, nəfəs almaqda çətinlik çəkirlər. Qeyd edək ki, anoloji görüntülər 1990-cıillərdə müşahidə edilib.
Sakinlər bunu marşrut üzrə nəqliyyat vasitələrinin sayının az olması və ərazidən yetərincə avtobusların keçməməsi ilə əlaqələndirirlər.
