Sumqayıtda avtomobillərin parklanması ilə bağlı ciddi problemlər yaşanır.
Sumqayit24.az -a daxil olan məlumata görə, problem şəhərin dənizkənarı bulvar ərazisində - "Göyərçin" abidəsindən aşağı, sahilə enən yolda müşahidə olunur.
Belə ki, ərazidə avtomobillərin uyğun olmayan yerdə nizamsız parklanması piyadalar üçün ciddi maneə və sıxlıq yaradır.
Bildirilib ki, xüsusilə axşam saatlarında ərazidə sıxlıq daha da artır.
Sakinlər aidiyyəti qurumlardan əraziyə baxış keçirilməsini və problemin aradan qaldırılmasını tələb edirlər.
